O sol ponse á mesma hora para todas as persoas que viven en Bombai. Cando chegan á súas casas, xa de noite, algunhas poderán abrir a billa para lavarse e preparar a cea. Outras, a maioría, non teñen billas nin auga da traída polo que terán que repartir entre toda a familia a auga que foron coller con caldeiros ás fontes públicas. Agni é un neno de dez anos que traballa todo o día nun lavadoiro de Bombai. Agni é unha desas persoas que non teñen billas nin auga na casa. Agni, mentres frega e refrega sen parar, soña que a súa sorte mudará algún día.