Desde que o coñeceu, Esquío non o podía quitar da cabeza. Cando pensaba nel, escurecíaselle a vista, íaselle a voz, o estómago poñíaselle como unha pedra, e é que… Esquío estaba namorada! O seu segredo percorreu todos os recunchos do bosque. Moitos opinaban que era unha tolaría, pero cando chegou o outono… Javier Sobrino preséntanos unha entrañable e asombrosa historia de amor na que as diferenzas non resultan un impedimento. A través dos animais do bosque, o autor logra conectar de inmediato cos lectores máis novos. Pero é que Un segredo do bosque utiliza unha linguaxe universal, a do afecto, para lles falar aos máis pequenos do amor e de como asumir os sentimentos. Canto a Elena Odriozola, galardoada por A princesa que bocexaba a todas horas co 2º Premio ao Libro Mellor Ilustrado, ofrécenos unha nova mostra dun estilo de ilustración, cun gran poder evocador, sutil e delicado que casa á perfección coa poética do texto. Un álbum sen idade para falar e que nos falen de amor.