Un neno e unha nena foxen a universos paralelos onde poden ser eles mesmos, onde non temen as odiosas comparacións, onde os seus pais non sempre contan o mesmo e ademais escoitan aos seus fillos. Onde non lles dá vergoña ser como son nin dicir o que senten. Fronte a fronte, falándonos, tocándonos, sen distancias, simulacros nin máscaras: así nos convida Jimmy Liao a compartir os nosos momentos de felicidade e angustia cotiáns no mundo real e tanxible, e non nos mundos virtuais nos que tan a miúdo, nestes tempos de pandemia, buscamos refuxio.